ФИЗИКАДАН ДАЙЫНДЫҚҚА 7 КЕҢЕС

Қазақстанда оқушылардың өте көп бөлігі ҰБТ-да физика және математика пәндерін таңдайды. Наурыз айындағы ақылы ҰБТ статистикасы бойынша, 111 мың  тестіленушінің 19%-ы физматты таңдаған. Қазір бұл пән бойынша түсетін мамандықтар сұраныста.

1. Есептерді  жиі шешу. Оқулықтан бөлек ҰБТ базасын талдауға ұсынамын. Иә, база жаңарады. Дегенмен, есептің тақырыбы, мәні өзгермейді. Күніне 5 нұсқа талдасаң, бірден нәтижеге жетесің.
2. Формула жаттауға да уақыт бөлу. Физматтың негізі - есептер. Егер сен формула білмесең, қанша жерден теориялық білім күшті болса да, есеп шығара алмайсың. физика , математика мына сайттарды пайдалан.. 
3. Логиканы дамыт. Кейде есептерді бір шаблон бойынша шығару іш пыстырады. ҰБТ тапсыру кезінде ұмытып та қалуың мүмкін. Сондықтан логиканы дамытсаң, өзіңе жақсы.
4. Деңгейді анықта. Әр апта сайын тестцентрдің пробный тесттерін шешіп отыр. Прогресс болса, өзіңе сыйлық жаса. Осы арқылы оқуға мотивация бересің. 
5. Формуланы жаттамас бұрын олардың мазмұнын, мәнін есте сақтау қажет. Бірінші түсініп ал. Кейін жатта. Осылай ұзаққа сақталады. 
6. Формула таңбаларын үйрену керек. Бірдей таңбалар бірнешеуінде қолданылады. Сол себептен бұл аса қиын емес.
7. Формулалар үшін арнайы блокнот баста. Оны жазғанда түрлі-түсті қаламды қолдан. Кітаптан бір тақырыпты оқығанда бірден формуласын жаттап ал.

Осы 7 кеңесті пайдаңа жаратып, ҰБТ-дан жоғары балл жина. Есіңде болсын : тек жүйелі дайындықпен ғана арманыңа жетесің.